Бөлүмдөр
Бейшемби, 19-сентябрь
02.04.2019 10:32 На русском

Сүрөт: Оштогу аэропортто чет өлкөлүк жарандар 3 кг баңгизат менен кармалды

Turmush -  Улуттук коопсуздук мамлекеттик комитетинин Коррупцияга каршы күрөшүү кызматы тарабынан 30-март күнү «Ош» эл аралык аэропортунда чет өлкөлүк жарандар ири өлчөмдөгү баңгизат менен кармалды. Бул тууралуу УКМКнын басма сөз кызматы билдирди.

Маалыматка караганда, шектүүлөр — 1993-жылы туулган Ш.А., 1986-жылы туулган С.Г. жана 1987-жылы туулган С.С. Кыргызстандын аймагы аркылуу Россияга баңгизат жеткирүү максатын көздөшкөн. Аларды текшерүү учурунда жалпы салмагы 3 килограммдан ашкан баңгизат табылды.

Алдын ала маалыматтар боюнча, спецификалык жыты бар зат героин болуп саналат. Бул факты боюнча Жазык кодексиндеги 267-берененин 3-бөлүмүнүн (баңгизат каражаттарын, психотроптук заттарды жана алардын аналогдорун сатып өткөрүү максатында мыйзамсыз даярдоо) негизинде кылмыш иши козголуп, Кылмыштардын жана жоруктардын бирдиктүү реестрине катталды.

Шектүүлөр Ош ШИИБдин убактылуу кармоочу жайына киргизилди. Учурда УКМК бул кылмышты уюштургандарды жана ага тиешеси бар башка адамдарды кармоого, ошондой эле транзиттик каналдарга жана контрабандага бөгөт коюуга багытталган ыкчам тергөө иштерин жүргүзүп жатат.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×