Бөлүмдөр
Шаршемби, 17-июль
Ош облусу, Ош 22.03.2019 17:14

Ошто өрттөнгөн май куюучу жайды милиция текшерүүгө алды

Turmush -  Ош шаарында өрттөнгөн май куюучу жай милиция тарабынан текшерүүгө алынды. Бул тууралуу Ош шаардык ички иштер башкармалыгынын басма сѳз кызматынан билдиришти.

20-март күнү Ош шаарынын Курманжан- дтка кичи районундагы Н.Исанов (мурдагы Петров) көчөсүндөгү турак үйдүн жанында май куюучу жайдан өтр чыккан. Кырсык ошол эле күнү Ош ОИИБдин Кылмыштардын жана жоруктардын бирдиктүү реестрине КРнын Жазык кодексинин 261-беренесинин негизинде (Ѳрт коопсуздугунун эрежелерин бузуу) катталган. Учурда тиешелүү иликтѳѳ иштери жүрүп жатат жана кырсык эмнеден келип чыккандыгы, май куюучу жайдын мыйзамдуулугу такталууда. Андан тышкары тиешелүү экспертизалар дайындалган.

«Териштирүү иштери жүргүзүлүп бүткөндөн кийин дагы маалымат берилет», - деп айтылат маалыматта.

Буга чейин Turmush басылмасы 20-март күнү Ош шаарындагы Н.Исанов (мурдагы Петров) көчөсүндөгү турак үйдүн жанында май куюучу жайдан чыккан өрт 21-март күнү эртең мененки саат 08:10до толук өчүрүлгөнүн жазган.

Күбөлөрдүн айтымында, аталган жай «МАН» үлгүсүндөгү май ташуучу унаа май куюп кеткенден кийин жарылган жана ага жакын жайгашкан көп кабаттуу үйлөрдүн терезелери сынып кеткен.
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×