Бөлүмдөр
Жума, 24-май
Ош облусуКара-Суу району 05.03.2019 14:02 На русском

Уурулук жана зордуктоого шектелген жигит Бишкекте жашынып жүргөн

Turmush -  Ош облустук ички иштер башкармалыгынын Криминалдык милиция кызматынын кызматкерлери зордуктоо жана уурулукка шектелип, издөөдө жүргөн адамды кармашты. Бул тууралуу ОИИБдин басма сөз кызматы билдирди.

Маалыматка караганда, 3-март күнү милиция кызматкерлеринин ыкчам иш-чараларынын жүрүшүндө Кылмыш-жаза кодексиндеги 161-беренеде көрсөтүлгөн кылмыштын белгилери боюнча шектүү катары издөөдө жүргөн, Ош облусунун Кара-Кулжа районунун 1989-жылы туулган тургуну Т.А. кармалды. Ал Бишкек шаарында жашынып жүргөн. Шектүүгө 2019-жылдын 10-январында издөө жарыяланган. Тергөөнүн жүрүшүндө ал 2 жолу уурулук жасаганы белгилүү болду.

Т.А. Кара-Суу РИИБдин убактылуу кармоочу жайына киргизилип, Кылмыш-жаза кодексиндеги 161-берененин (зордуктоо) жана 200-берененин (уурулук) негизинде кылмыш иш козголуп, тергөө амалдары жүрүп жатат.

В Бишкеке по подозрению в изнасиловании задержан 30-летний мужчина

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×