Бөлүмдөр
Шаршемби, 23-октябрь
Баракелде, Бишкек 26.02.2019 11:37 На русском

Бишкекте кыздар аралашкан чыр жаш жигиттин өлүмү менен аяктады

Turmush -  Биринчи май РИИБге 24-февралда саат 01:57де борбордук «Ала-Тоо» аянтында мушташ чыкканы тууралуу маалымат түшкөн. Бишкек ШИИБдин басма сөз кызматынын билдирүүсү боюнча, айтылган дарекке барган Биринчи май РИИБдин ыкчам тобу эч кимди тапкан эмес.

Ошол учурда ооруканадан Ш.Т. аттуу жигит, андан кийин 2000-жылы туулган Ж.Р учтуу буюмдан жаракат алып жеткирилгени тууралуу маалымат түшкөн. Дарыгерлердин аракетине карабастан жабыркагандардын биринчиси операция учурунда көз жумган.

Тергөө иштери менен белгилүү болгондой, 24-февралда жабырлануучу тарап туулган күн белгилеп, 2 тааныш кызды конокко чакырышкан. Бирок ал жерден жабырлануучу тараптын достору менен кыздардын ортосунда чыр чыгып, кыздар өздөрүнүн досторун чакырышкан. Кыздарды достору чогулгандан кийин эки тараптын ортосундагы уруш мушташка айланып, 2 адам жаракат алган.

Бул факты КРнын Кылмыш-жаза кодексинин 138-беренесиндеги 3-бөлүм менен (ден соолукка оор зыян келтирүү) Кылмыштар жана жоруктардын бирдиктүү реестрине катталып, ыкчам иликтөөлөр менен шектүү катары 23 жаштагы Т.А. убактылуу камакка алынды.

Учурда мушташтын катышуучуларын аныктоо, тергөө, териштирүү иштери улантылып жатат.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×