Бөлүмдөр
Шаршемби, 11-декабрь
Баракелде, Бишкек 12.02.2019 17:46 Жаңыланды: 12.02.2019 20:18 На русском

Сүрөт: Бектур Асанов менен Кубанычбек Кадыров эркиндикке чыкты

Turmush -  Бүгүн, 12-февралда Молдовановка айылындагы мекемеден Бектур Асанов менен Кубанычбек Кадыров бошотулду. Бул маалыматты ЖАМК билдирди.

Жогорку соттун соттук коллегиясы айыпталуучу Бектур Асанов менен Кубанычбек Кадыровдун жаңы жагдайлар боюнча арызын жана ЖАМКтын №27 мекемесинин сунушун бүгүн карап чыккан.

Жогорку соттун 2018-жылдын 7-июндагы токтому менен Б.Асановго жана К.Кадыровго КРнын Кылмыш-жаза кодексинин 38-309-беренелери менен күнөө тагылып, 4 жыл жана 9 айга эркиндигинен ажыратылган. Бүгүн соттук коллегия Б.Асанов менен К.Кадыровду жаза өтө мөөнөтү аяктаганына байланыштуу бошотуу чечимин кабыл алды. Муну менен алардын арызы жана сунуш канааттандырылды.

Б.Асанов менен К.Кадыров бийликти күч менен басып алууга даярдануу боюнча айыпталган. Кылмыш-жаза кодексиндеги жаңы редакциядагы 76-берене бул айыпты жеңилдетип, ишти кайрадан кароого уруксат берет.

Ал эми буга чейин ЖАМК Кубанычбек Кадыров менен Бектур Асанов мөөнөтүнөн мурда бошотулганы тууралуу маалымат чындыкка дал келбей турганын билдирген болчу.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×