Бөлүмдөр
Ишемби, 19-октябрь
27.12.2018 13:20 На русском

Арстанбапка эс алууга барган 3 кесиптешти тоноп кеткен тургундар кармалды (фото)

Turmush -  Жалал-Абад облусундагы Арстанбап аймагында эс алып жүргөн Алишер, Нышанбай жана Айчолпон (аттары өзгөртүлдү) аттуу 3 кесиптешти тоноп кеткен тургундар кармалды.

Жалал-Абад ОИИБдин басма сөз кызматынын маалыматына караганда, 2018-жылдын 8-июлунда түнкү саат 02:00 чамаларында Базар-Коргон районунун Арстанбап айыл аймагынын «Турбаза» эс алуу жайындагы аттракциондордун ичинде Жалал-Абад шаарынын 1997-жылы туулган тургуну Айчолпон, 1996-жылы туулган Алишер жана 1996-жылы туулган Нышанбай үчөө эс алып, сүйлөшүп отурушкан.

Ошол убакта бейтааныш 20-25 жаштардагы балдар жүздөрүн жаап алып келип, алардын бетине кол чырак менен жарык берип, «Эмне отурасыңар, саат канча болду?» деп сурашкан. Алардын суроосуна Алишер: «Саат 2 болду, эмне ишиңер бар» деп жооп бергенде бейтааныш балдардын бирөө Алишерди уруп жиберген. Дагы бирөө Нышанбайдын бетин буту менен тээп жибергенде, ал да башын жерге салып отуруп калган. Бейтааныш балдардын бири Айчолпонго «сен ордуңдан туруп, арканы карап тур» деп айтып, анын колундагы «Айфон-8» үлгүсүндөгү уюлдук телефонун жана бутундагы спорттук бут кийимин чечип алышкан. Ошондой эле Алишердин колундагы «Ми-5» үлгүсүндөгү уюлдук телефонун, колундагы саатын жана бутундагы спорттук бут кийимин чечип алышкан.

Нышанбайдын «Айфон-4» үлгүсүндөгү уюлдук телефонун жана бутундагы спорттук бут кийимин чечип алышкан. Баардыгын алгандан кийин «20 мүнөт ордуңардан турбай жаткыла» деп айтышып, 3 кылмышкер окуя болгон жерден изин жашырып кетип калышкан. Үчөө тең жылбай жатышып, алар кеткенден кийин жатаканага барышкан. Кийин окуя боюнча Арстанбап аймактык милиция бөлүмчөсүнө билдиришкен.

Бул окуя боюнча КРнын Кылмыш-жаза кодексинин 167-беренесинин (Тоноо) негизинде кылмыш иши козголгон. Жалал-Абад ОИИБдин жана Базар-Коргон РИИБдин Криминалдык милиция кызматкерлери биргеликте тоноочулукка шектүүлөрдү 5 айдан соң аныкташып кармашты. Алар Базар-Коргон районунун Арстанбап айылынын тургундары экени аныкталган.

Алар:

- 1992-жылы туулган И. уулу Мирхалил;

- 1989-жылы туулган Ю.Ибрахим (КРнын Кылмыш-жаза кодексинин 299-беренеси {диний кастыкты козутуу} менен козголгон кылмыш иши боюнча да шектүү катары каралып келген);

-1988-жылы туулган Ю.Нурбек, буга чейин Кылмыш-жаза кодексинин 104-беренеси (Саламаттыкка атайылап оор залал келтирүү) менен соттолгон;

Тергөө амалдары жүргүзүлүп, жасаган кылмыш ишин толук мойнуна алышкан.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×