Бөлүмдөр
Шаршемби, 26-сентябрь
Баткен облусу, Баткен 12.09.2018 13:05 На русском

Баткендеги үй-бүлөлүк дарыгерлер борборунда кан тапшырууга 150дөй адам кезекте турат (сүрөт)

Turmush -  Баткен облустук үй-бүлөлүк дарыгерлер борборунда кан анализин тапшырууга 150дөй киши кезекте турат. Анализ алуу саат 8:30дан баштап 11:00гө чейин болгондуктан көпчүлүккө кезек жетпей жатат.

«Баламдын канын тапшыруу үчүн келип, 120-кезекте турам. Жалпы 150дөй адам бар. Бул жерде эки-үч күндөп кезек күтүп, жумушуна барбай калгандар да бар экен. Шаардык ооруканадагы дарыгерлер өргүүгө чыгып кетиптир», - дейт шаар тургуну Адилет Салимбай уулу.

Аталган үй-бүлөлүк дарыгерлер борборунда мындай көрүнүш бир жумадан бери кайталанып жатат. Буга бала бакчадагы балдардын да келүүсү себеп болууда.

«Буга чейин мындай эмес эле. Акыркы эки-үч күндөн бери бала бакчалардагы балдар келишүүдө. Анткени анализи жок балдарды бала бакчага кабыл алышпайт. Кечээ билим берүү бөлүмүнө бир күндө 20-30дан бала жөнөткүлө деп айттык. Бул көпкө узабайт, балдардын анализи бүтсө, кезек күтүү болбойт», - деди облустук үй-бүлөлүк дарыгерлер тобунун жетекчиси Арзыбек Борубеков.

Анализ алуу саат 8:30-11:00 аралыгында жүргүзүлсө, жыйынтыгы саат 17:00гө чейин чыгат.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Комментарии
Для добавления комментария необходимо быть нашим подписчиком
×