Бөлүмдөр
Шаршемби, 21-ноябрь
Талас облусуБакай-Ата району 11.09.2018 12:22 На русском

Тагдыр: Чатырдан кулап, буту баспай калган Т.Базарбаев жубайын майыптар үйүнөн жолуктурган (сүрөт)

Turmush -  52 жаштагы Таалайбек Базарбаев 2014-жылдан бери Бакай-Атадагы карылар жана ден соолугунан мүмкүнчүлүгү чектелгендердин стационардык мекемесинде жашайт. 2009-жылы үйдүн чатырынан кулап, операция жасалганына карабай эки буту тең кыймылдабай калганын аймактык кабарчыга айтып берди.

Т.Базарбаев 1985-1987-жылдары Советтик армиянын катарында кызмат өтөп, андан кийин Таластагы аскер комиссариатында катчы, айдоочу болуп иштеген. Ал эми 1999-2001-жылдары Баткен окуясына катышкан. 2009-жылы чатырдан кулап, эки буту кыймылдабай, майып болуп калган.

«Мектепте алган билимим интернатта акча табууга жардам берди. Аны дарыланууга жана үй-бүлөмдү багууга жумшайм. Ашканага жана үйгө керектүү буюмдарды жасап, бузулган буюмдарды оңдоп берем. Мага керектүү материалдарды Таластан жээним жөнөтүп турат. Ал эми даяр буюмдарды сатууга интернаттын кызматкерлери жардам берет», - деди ал.

Т.Базарбаев менен Фарида Сүйүмбаева бул жерден таанышып, баш кошушкан. 30 жаштагы Ф.Сүйүмбаева 6 жылдан бери аталган мекемеде жашайт. Ал эми анын эжеси — 36 жаштагы Динара Сүйүмбаева Токмоктогу интернатта жашайт. Алар бир мекемеде жашоону каалашат.

Бир туугандардын ата-энеси жол кырсыктан каза болгон. Эже-сиңди 2012-жылга чейин Токмок шаарындагы майыптардын үйүндө чогуу жашашкан. Учурда бир туугандарды бир социалдык мекемеге жайгаштыруу маселеси каралып жатат.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
Сервера временно не доступны

По техническим причинам все серверы АКИpress сейчас заняты и не могут ответить на Ваш запрос. Приносим свои извинения за доставленные неудобства.

Попробуйте зайти позднее.

Администрация сайта АКИpress



All AKIpress servers are currently busy and cannot respond to your request due to technical difficulties. We apologize for any inconvenience.

Please, try again later.


Техникалык себептерге байланыштуу АКИpress'тин бардык серверлери бош эмес жана Сиздин чакырыкка жооп бере албайт. Келтирилген ыңгайсыздыктар үчүн кечирим сурайбыз.

Бир аздан кийин кайталап көрүңүз.