Бөлүмдөр
Шейшемби, 20-ноябрь
Жалал-Абад облусуЧаткал району 10.07.2018 10:50

Чаткалда 22 күн мурда жоголгон бир туугандардын бири азыркыга чейин табылбай жатат

Turmush -  22-июнь күнү унаасы менен үйүнөн чыгып кеткен бойдон дайынсыз жоголгон Чаткал районунун Айгыр-Жол айылынын 23 жаштагы тургуну азыркыга чейин табыла элек. Бул тууралуу ӨКМдин басма сөз кызматы билдирди.

Маалыматка караганда, Айгыр-Жол айылынын 1995-жылы туулган тургуну Т.Э. «Дэу Матиз» үлгүсүндөгү унаасы менен үйүнөн чыгып кеткен боюнча кайтып келген эмес. 25-июнь күнү Ак-Таш айылында Чаткал дарыясынын жээгинен анын документтери жана өздүк буюмдары табылган. Бүгүн, 10-июль күнү саат 9:00дө издөө иштери башталды. Издөө иштерине 4 куткаруучу жана милициядан 2 адам тартылды.

Окуя тууралуу:

Буга чейин 4-июлда ӨКМ 22-июнь күнү унаасы менен үйүнөн чыгып кетип, дайынсыз жоголгон Чаткал районунун Айгыр-Жол айылынын 25 жаштагы тургуну Э.Т. азыркыга чейин табыла электигин билдирген.

Маалыматка караганда, Э.Т. өзүнүн 21 жаштагы иниси М.Т. менен 22-июнда «ДЭУ Матиз» үлгүсүндөгү унаасын айдап үйдөн чыгып кетишкен. 25-июнь күнү Ак-Таш айылында Чаткал дарыясынын жээгинен алардын документтери жана өздүк буюмдары табылган. 1-июлда суудан 21 жаштагы М.Т.нын жансыз денеси табылып, сөөгү туугандарына өткөрүлүп берилген.

Чаткал дарыясына аккан 2 жигит бир туугандар болгондугун ӨКМдин Чаткал райондук бөлүмүнүн өрт өчүрүү жана алдын алуу бөлүмүнүн башчысы Кыял Рыскулов тастыктаган.

Анын маалыматына караганда, 22-июнда түнү Ала-Бука районун көздөй унаа менен бет алган бир туугандар чукул бурулуштан дарыяга кулаган. Алгач туугандары аларды өз алдынча издеп, андан соң ӨКМге кайрылышкан. Сууга чөккөн бир туугандардын улуусу — М.Т.нын сөөгү табылган. 1997-жылы туулган Т.Э., изделүүдө. Бир туугандардын улуусуна тийиштүү документтерди балык улап жүргөндөр таап алган.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×