Бөлүмдөр
Бейшемби, 18-июль
Баракелде 05.06.2018 14:18 На русском

Дааратканада төрөлгөн кыз менен 2 жашында катуу сабалган Ибрагимдин бүгүнкү абалы кандай?

Turmush -  Бүгүн, 5-июнда Бишкек шаарында өткөн маалымат жыйында 2 жашында катуу сабалып, ден соолугунан катуу жабыркаган Ибрагим менен дааратканада төрөлгөн ымыркай кыздын учурдагы абалы тууралуу айтылды. Алардын абалынан социалдык кызматкерлер тынымсыз кабар алып жатышат, деп билдирди үй-бүлөнү жана балдарды коргоо боюнча башкармалыктын башкы адиси Назгүл Чолумова.

Анын айтымында, Ибрагимди багуу укугун өгөй энеси алган.

«Мен аны (Ибрагим) менен өткөн жылы жолуккам. Анын жанында бир саатка чукул отурдук. Ал сүйкүмдүү, айлананы көрөт, өз алдынча, бирок ордунан жыла албайт», - деди адис.

2 жаштагы Ибрагим 2015-жылдын 11-январында сабалып, андан алган оор жаракаттары жана зордуктоонун белгилери менен ооруканага жеткирилген. Бул окуя боюнча Аламүдүн РИИБ тарабынан КРнын Кылмыш-жаза кодексинин 104-беренеси (ден соолукка атайын оор залал келтирүү) жана 130-беренеси (сексуалдык мүнөздөгү кордук көрсөтүү) менен кылмыш иш козголгон болчу. Көп узабай баланы сабоого шектелип 46 жаштагы тууганы Ж.Түлөбеков кармалган. Бирок ал балага карата сексуалдык зомбулук жасабаганын билдирген. Кийин баланын сабалышына анын аялынын да тиешеси бар экени такталып, эки шектүү тең камакка алынган.

2017-жылдын 28-февралында Аламүдүн райондук соттун судьясы Жаныбек Сагыналиев шектүүлөргө карата өкүм чыгарып, аларга тагылган айыптар далилденгендигин белгиледи. Жыйынтыгында Ж.Түлөбеков (46 жашында) өмүр бою эркинен ажыратылып, анын аялы А.Аккозова (күйөөсүнүн фамилиясы боюнча Түлөбекова) 15 жылга камалган.

2

3

------------------------------------------------------------------------------------------------------

Ал эми Бишкектин Арча-Бешик конушундагы даараткананын чуңкурунан куткарылган кызды багып алууну чечкен үй-бүлө алып кеткен.

2017-жылдын 31-июлунда саат 10:00 чамасында Арча-Бешик конушунда барак тибиндеги үйдүн дааратканасында төрөлгөн ымыркай ошол жердеги жашоочулар тарабынан куткарылган. Ал бир нече күн оорукананын жандандыруу бөлүмүндө жатып, абалы жакшыргандан кийин балдар үйүнө которулган болчу.

Кошуналар Нурзат, Нурзамат, Элдияр уулу Бактияр, Мурат, Майрам Өмүралиева

1

Жергиликтүү тургун Нурзаттын айтымында, окуя саат 10:00 чамасында болду.

«Саат 10:00 чамасында эшикке бир нече жолу чыгып караганда даараткананын эшиги жабык болчу. Бир нече мүнөттөн кийин кайра чыксам эшик ачылып калыптыр. Ичине киргенде жер кан болуп турганын көрүп, даараткананын чуңкурунан ымыркайдын ыйлаган үнүн уктум. Дароо сыртка чыгып, кошуналар менен жолдошумду чакырдым», - деди Нурзат.

Анын жолдошу Муратбек Мамырбаевдин айтымында, дароо кошуналарын чакырып, тез жардам жана милиция кызматына телефон чалган. Алгач милиция кызматкерлери, андан кийин дарыгерлер жеткенин кошумчалады.

Ымыркай кызды дааратканадан 17 жаштагы Майрамбек уулу Нурзамат кол чырактын жарыгы менен таап, сыртка алып чыккан.

Мурат менен Нурзамат

1

«Менин бутумдан Мурат менен Бактияр байке кармап турушту. Алгач баланын колун көрүп, өзүмө карай тартканда ыйлап жиберди. Анын тирүү экенин билгенде барыбыз сүйүндүк», - деди Нурзамат.

Дарыгерлер жеткиче ошол жердеги аялдар телефон аркылуу маалымат алып, ымыркайды жуунтуп, киндигин кесишкен. Барак тибиндеги үйдүн жашоочулары белгилегендей, ал аймакта кош бойлуу аял жок болчу.

Ымыркай жеткирилген оорукананын башкы дарыгеринин орун басары Гүлнара Жанабилованын айтымында, ымыркай жандандыруу бөлүмүнө жаткырылып, алгачкы күндөрү абалы оор болуп жаткан. Анын салмагы 3 кг 396 гр болду.

Аман куткарылган ымыркай

1

Ымыркай төрөлгөн даараткана

1

Кийинчерээк бул ишке шектелип Арча-Бешик конушунда убактылуу жашаган Б.Ж. кармалган. Ал Нарын облусунда 1995-жылы туулганы белгилүү болду.

Аталган факт боюнча КРнын Кылмыш-жаза кодексинин 28-100-беренелери менен кылмыш иши козголуп, Ленин райондук соту 2018-жылдын мартында айыпталуучуну 2 жылга эркиндигинен ажыраткан.

Соттолуучунун көрсөтмөсү:
Жыпара Арча-Бешиктеги үйдү ижарага алып жашачу. Ал 2014-жылы күйөөгө чыгып, андан бир кыздуу болгон. Бирок 2015-жылы ал жолдошу менен ажырашып, 2016-жылы Кочкор айылында официант болуп иштеп жаткан учурда Кубат аттуу жигит менен таанышкан. Аны менен сүйлөшүп жүрүп, экөө эки жолго түшкөндөн кийин Жыпара Кубаттан боюнда бар экенин билген. Апасынан корккон соттолуучу курсагындагы баласын жакындарына айтпай, жашырып жүргөн.

«Кубатка телефон чалып, курсактагы баланы айтсам, "боюңдан алдыр" деп телефонду өчүрүп салган. 31-июлда дааратканага барып отурганда баланын башы чыгып, андан кийин ал тешикке түшүп кетти», - деди ал.

Баланы өлдү деп ойлогон Жыпара үйүнө барып жуунуп, кийимдерин алмаштырган. «Төрөгөндөн кийин шок болуп, бул окуяны эч кимге айткан эмесмин. Кылган ишим үчүн өкүнөм», - деди ал.


Шектүү кыз

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×