Бөлүмдөр
Шаршемби, 15-август
Ош

Ош шаарынын биринчи вице-мэрлигине Саипжан Турдуевдин тажрыйбасы жетпейби?

Turmush -  Ош шаарынын биринчи вице-мэри кызматын аркалоого Саипжан Турдуевдин тажрыйбасы жетпейт, деп билдирди Мамлекеттик кадр кызматынын түштүк өкүлчүлүгүнүн башчысы Алмаз Аккозиев. Анын айтымында, бул боюнча Жогорку Кеңешке кат да жолдонгон.

«Ош шаарынын биринчи вице-мэри болуп дайындалган Саипжан Турдуевдин иш тажрыйбасы жетпей тургандыгы боюнча карап чыкканбыз. Ал 2014-жылы айылдык кеңештин депутаты болгон. Ага чейин жеке компанияларда юрист болуп иштептир. Мамлекеттик кадр кызматынын башкы аппараты кат жолдоп, Жогорку Кеңештен жооп күтүп жатабыз.

Биринчи вице-мэр С.Турдуевдин 4 жылдан ашык эмгек тажрыйбасы бар экен. Ал эми вице-мэрлик кызмат жогорку кызмат болуп эсептелет. Ошол себептен бул кызматка келген адамдардын 5 жылдан кем эмес тажрыйбасы болушу керек», - деди А.Аккозиев.

Мыйзам боюнча вице-мэрлик административдик кызмат болуп, мэр тарабынан дайындалат. Маалым болгондой, С.Турдуевдин тажрыйбасын Мамлекеттик кадр кызматы 4 жылдан ашык деп эсептеген.

37 жаштагы Саибжан Турдуев Ош шаарынын биринчи вице-мэри болуп дайындалганын 2018-жылдын 2-майында мэрия жарыялаган. Ал эми Ош шаарынын мурдагы биринчи вице-мэри Замир Аскаров вице-премьер-министрликке көтөрүлдү.

С.Турдуевдин тажрыйбасы тууралуу маалымат алуу үчүн азырынча Ош шаардык мэриясынын басма сөз кызматы менен байланышууга мүмкүн болбой жатат.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 1626
Комментарии
Для добавления комментария необходимо быть нашим подписчиком
Көп окулду
×