Бөлүмдөр
Дүйшөмбү, 23-апрель
Ысык-Көл

Түптүн Байзак айылындагы окуучулар кооптуу мектепте окуп жатышат (фото)

Turmush -  Түп районунун Сан-Таш айыл аймагына караштуу Байзак айылындагы А.Муканов атындагы мектеп учурда авариялык абалда.

Мектептин чарба башчысы Токтор Сулаймановдун айтымында, 274 орундуу мектеп 1976-жылы курулган.

«Акыркы 40 жылдан ашуун убакыттан бери мектеп капиталдык ондоодон өткөн эмес. Учурда 320 окуучу билим алган мектептин чатырынан суу тамчылап, полу чирип калган. 2010-жылы авариялык абалда деген чечим да чыккан. Мектептин эки имараты бар, бири 1956-жылы курулса, экинчиси 1978-жылы курулган. Жамгыр жааган күнү чатырдан суу өтүп, кыйынчылык жаралууда», - дейт ал.

Мугалимдердин жамааты эскилиги жеткен имаратты оңдоого каражат жок болгондуктан окуучулар кооптуу абалда окуп жатышкандыгын белгилешти.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 369
Көп окулду
Учурда окулуп жатат
×