Бөлүмдөр
Бейшемби, 21-июнь
Чүй

Токмоктогу жол кырсыктан жаракат алган кош бойлуу келин эки баласы менен ооруканага түшкөн

Turmush -  Токмок шаарындагы жол-транспорт кырсыгынын кесепетинен аймактык ооруканага жаткан кош бойлуу келин үйүнө чыгарылды. Бул тууралуу аймактык кабарчыга Токмок шаардык аймактык оорукананын директору билдирди.

Анын айтымында, жол кырсыгына кабылган 25 жаштагы келиндин 8 айлык боюнда болгон.

«4-март күнү жол кырсыгынын кесепетинен 11 киши ооруканага түшкөн. Дагы бир киши каза болуп келди. Андан кийин жеӊил жарат алгандар жана Бишкек шаарындагы ооруканага алып кетүүнү каалаган жакындарынын суранычы менен 4 бейтап биздин ооруканадан кеткен. 25 жаштагы кош бойлуу келин 7 жаштагы кызы менен жандандыруу бөлүмүнө жаткан. Кийин сыныктар бөлүмүнө которулуп, жакында эле үйүнө кызы менен чыгарылды. Анын дагы бир 4 жаштагы баласы да жеӊил жарат алган болчу», - деди ал.

4-март күнү саат 15:30 чамасында Токмок шаарынын Дача кыштагынын тушунан айланма жолдо жол-транспорт кырсыгы катталган. Анда ГАЗ-53 жүк ташуучу унаа менен «Мерседес-Бенц Спиринтер» үлгүсүндөгү кичи автобус кагышкан. Бул кырсыкка жол тандабас да кабылган. Аталган жол кырсыктын кесепетинен 11 адам денесине ар кандай жаракат алып, ооруканага жаткырылса, 1 адам окуя болгон жерден көз жумган.

Учурда Чүй ОИИБдин кызматкерлери бул окуя боюнча териштирүү, иликтөө иштерин жүргүзүп жатышат.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 898
Көп окулду
×