Бөлүмдөр
Шейшемби, 13-ноябрь
Ысык-Көл облусуТүп району 12.02.2018 09:00 На русском

45 жаштагы Элчибек Жантаев Түп районунун акими болду (резюме)

Turmush -  Жантаев Элчибек Нуржадыевич мурдагы ээлеген кызматынан бошотулуп, Ысык-Көл облусунун Түп районунун мамлекеттик администрациясынын башчысы — акими болуп дайындалды. Тиешелүү буйрукка премьер-министр Сапар Исаков 9-февралда кол койгон.

Элчибек Джантаев

Э.Жантаев 1973-жылы 8-сентябрда Ак-Суу районунун Ак-Чий айылында төрөлгөн. Билими жогорку, бухгалтердик эсеп, анализ жана аудит адистигин алган.

Эмгек жолу:

- 2003-2009-жылдары Ак-Суу районунун Ак-Чий айылында статист-экономист болуп эмгек жолун баштаган;

- 2009-2012-жылдары Ак-Чий айылынын башчысы;

- 2013-2014-жылдары аталган айылдык кеңештин төрагасы;

- 2014-жылдан бери Ак-Суу райондук мамлекеттик администрация башчысынын биринчи орун басары кызматын аркалап келген.

Сыйлыктары:

- 2010-жылы «Муниципалдык кызматтын мыктысы» төш белгисин;

- 2017-жылы «Айлана-чөйрөнү коргоонун мыктысы»;

- 2017-жылы ӨКМдин «Өзгөчө кырдаалды жоюуга катышканы үчүн» төш белгилерин алган. Ошондой эле, Борбордук шайлоо комиссиясынын ардак грамотасынын жана башка бир катар грамоталардын ээси. Үй-бүлөлүү, 4 баланын атасы.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×