Бөлүмдөр
Жекшемби, 22-июль
Баракелде

Фото - Россиядагы жол кырсыктан кыргызстандыктар каза болду, жабыркагандардын кичүүсү 4 жашта

Turmush -  Россиянын Самара облусунда кечээ, 7-декабрда жол-транспорт кырсыкта Кыргызстандын 2 жараны каза болуп, экөө жаракат алды.

Кыргызстандын ӨКМи билдирген маалыматка караганда, саат 10:15 чамасында (Москванын убактысы боюнча) Самара — Оренбург жолунун 85-чакырымындагы Ветлянка районунун аймагында оор жүк ташуучу унаалар — «Урал» жана «Вольвонун» (Кыргызстандын унаасы, мамлекеттик номуру В 6994АI KZ) кагышуусунда 2 адам көз жумуп, 3 адам жабыркады. Каза болгон адамдар Кыргызстандын жарандары экени аныкталды. Алардын денеси Кинель шаардык ооруканасынын өлүк сактоочу жайына жеткирилген.

Ал эми, жаракат алган 3 адам (экөө КРнын жараны, анын бири 4 жашта) Нефтигорский райондук ооруканасынын травматология бөлүмүнө жаткырылган. Кийинчерээк наристеге операция жасалып жатканы маалымдалды. «Вольво» үлгүсүндөгү унаанын ичинде Кыргызстандын 4 жараны, ал эми «Урал» жүк ташуучу унаада Башкортостан Республикасынын 1 жараны болгон.

Полициянын алдын ала маалыматтарына караганда, «Урал» үлгүсүндөгү жүк ташуучу унаа Нефтегорск шаарчасынан Самара облусу тарапка бара жаткан. Унаанын 1981-жылы туулган айдоочусу каршы тилкеге чыгып, «Вольво» үлгүсүндөгү башка жүк ташуучу унаа менен кагышкан. Аны 1989-жылы туулган айдоочу башкарып бара жаткан.

Ички иштер органдарынын кызматкерлери аталган факты боюнча текшерүү жүргүзүп жатат.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 5575
Комментарии
Для добавления комментария необходимо быть нашим подписчиком
Көп окулду
×