Бөлүмдөр
Жекшемби, 22-июль
Талас

Таласта акыркы 3 күндө жылгаяктан улам 8 адам жаракат алды

Turmush -  Талас облусунда акыркы 3 күндүн ичинде жолдор тайгалак болуп, 8 адам жаракат алып, ооруканага кайрылды. Бул тууралуу аймактык кабарчы менен болгон маегинде Талас облустук Ч.Мамбетов атындагы биргелешкен ооруканасынын жаракат бөлүмүнүн башчысы Жолдош Үркүнбаев билдирди.

- Жолдош агай, акыркы күндөрү жолдор муз, жылгаяк болууда. Бүгүнкү күнгө чейин жаракат бөлүмүндө кайсы курактагы адамдар кайрылды?

- Кыш мезгилинде көп учурда жылгаяктан улам бир жерин жабыркатып алган бейтаптар келет. Бизге мектеп окуучулары, ар кандай курактагы адамдар кайрылып жатышат.

- Муздан жыгылганда биринчи кандай жардам көрсөтүү керек?

- Эң биринчи дарыгердин милдети — ооруну азайтуу. Ооруган жери жок болсо жаракаттын айыгуусу жеңил болот. Жыгылган учурда үйдө көп кармабай, ооруканада текшерилүү керек. Биринчи ооруган жаракатты таңып, анан гана дарылоону баштоо керек.

- Акыркы күндөрү жылгаяктан улам канча бейтап катталды?

- Акыркы 3 күндүн ичинде бизге 7-8 адам кайрылды. Анын ичинен жараты болгон 3 бейтап биздин көзөмөлдө ооруканада дарыланса, калгандарына биринчи жардам көрсөтүп үйлөрүнө жөнөттүк. Эң оор делген бир окуучу ооруканада дарыланууда. Ойноп жүрүп, муздан тайгаланып, мойнун оорутуп алган экен.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 1467
Комментарии
Для добавления комментария необходимо быть нашим подписчиком
Көп окулду
×