Бөлүмдөр
Жума, 20-июль
Баракелде

Экс-муфтий Ч.Жалиловдун билдирүүсү боюнча текшерүү жүрүп жатат, - министр У.Исраилов

Turmush -  Ички иштер министрлиги Чубак Жалиловдун билдирүүсү боюнча текшерүү жүргүзүп жатат, анын жыйынтыгы коомчулукка маалымдалат. Бул тууралуу министр Улан Исраилов биринчи аялы менен ажырашпай туруп, экинчисине үйлөнгөндүгү тууралуу коомчулукка билдирүү жасаган экс-муфтийге кандай чара көрүлө тургандыгы боюнча суроого жооп берип жатып билдирди.

Анын айтымында, экс-муфтийдин билдирүүсүн текшерүү боюнча тапшырма ЖМКларда маалымат пайда болгон күнү эле берилген.

«Видеобилдирүүнүн курамында Ч.Жалилов мыйзамды бузгандыгын мойнуна алып жатат. Бул боюнча текшерүү жүргүзүлүүдө. Анын жыйынтыгын биз сөзсүз түрдө коомчулукка маалымдайбыз», - деди министр.

Кечээ бир нече депутаттар Ч.Жалиловдун билдирүүсүн сынга алышкан. Депутат А.Касымалиева Ч.Жалиловдун көп аялдуулук боюнча билдирүүсү тууралуу эмне үчүн тиешелүү органдар унчукпай жаткандыгын сураган.

Дин иштери боюнча мамлекеттик комиссиясынын өкүлү Ормон Жаныбеков укук коргоо органдары Ч.Жалиловдун видео кайрылуусунун негизинде кылмыш ишин козгой албай тургандыгын айткан.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 2867
Комментарии
Для добавления комментария необходимо быть нашим подписчиком
Көп окулду
×