Бөлүмдөр
Жекшемби, 17-декабрь
69.75    82.18    1.18    KZT 0.21
Нарын

Видео — Кочкордогу унаа кырсыктан бир үй-бүлөнүн 4 мүчөсү каза болду

Turmush -  Кечээ, 26-ноябрда Кочкор районунун Кубакы ашуусундагы жол кырсыктан бир үй-бүлөдөн 4 адам каза болду.

ӨКМдин басма сөз кызматынын маалыматына карганда, кырсык саат 12:20лар чамасында Бишкек—Нарын—Торугарт унаа жолунун 180-чакырымындагы көпүрөдө болгон. «Тойота Карина» үлгүсүндөгү унаанын айдоочусу башкарууну жоготуп, унаа сууга түшүп кеткен. Анын кесепетинен 4 адам көз жумган. Алар Нарын шаарынын тургундары экени аныкталды. Куткаруучулар каза болгон адамдардын сөөгүн туугандарына өткөрүп беришти.

Каза болгондор:

- 1964-жылы туулган Ж.М. (айдоочу);

- 1969-жылы туулган Т.Д. (айдоочунун аялы);

- 1990-жылы туулган М.К. (айдоочунун кызы);

- 2017-жылы туулган Т.К. (айдоочунун небереси). 

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 8543
Комментарии
Обсуждения закрыты
Көп окулду
×