Бөлүмдөр
Жекшемби, 22-июль
Нарын

АКИ-ТV: Жумгалдыктарды тамшандырган хан плов менен сандык (фоторепортаж)

Turmush -  Жумгал районунун Чаек айылынын 50 жаштагы тургуну Нура Тыналиева өзгөчө тамактарды ойлоп чыкты. Анын колунан даярдалган тамактардан аймактык кабарчы даам сызып келди.

Н.Тыналиеванын жанында иштеген ашпозчулардын жардамы аркылуу жасалган сандык жана хан плов тамагы элдин назарын буруп, аны жакшылыктарда атайын буйрутма менен жасаткандар көбөйдү.

«Мындай даамдуу тамактарды жасаш үчүн көп деле убакыт кетпейт. Болгону сандык тамагынын ичинде кеминде 10дон ашык азык болушу керек. Аты айтып тургандай, сандыктын ичине бардыгы салынат. Аны даярдоо ыкмасы: эт азыктарын 5-6 саат мурун маринаддайбыз. Андан сырткары жашылчаларды, даам берүүчү азыктарды даярдап, тамактын үстүнө боз үйдүн көрүнүшүн берген нан жасайбыз. Бул сандык тамагы негизинен 5 адам тойгудай даярдалат. Ал эми, хан плов — нандын ичине салынган тамак, ал күрүч, эт менен даярдалат жана нан бышыруучу мешке бышырылат. Бул тамактар 800 сомдон өйдө бааланып, сый конокторго тартылат», - деди Тыналиева.

Ал эми ашпозчу Бакберген Бекмуратова айтымында, Жумгал районунда сандык тамагы биринчи жолу жасалып, аны жактыргандардын саны күн сайын өсүүдө.

«Чындыгында хан плов тамагы бардык жерде жасалып жүрөт. Ал эми сандык тамагын учурда Жумгал районунда жаңылык катары жасап жатабыз. Той-топурларга атайын буйрутма берип башташты жана атайын даам сызып көрүү үчүн келип жатышат», - деди Б.Бекмуратова.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 12391
Комментарии
Для добавления комментария необходимо быть нашим подписчиком
Көп окулду
×