Бөлүмдөр
Шаршемби, 18-июль
Ош

Фото - Бишкек—Ош жолундагы кырсыктан каза болгон 10 адамдын өздүгү такталды (тизме, толукталды)

Turmush -  Бишкек—Ош унаа жолунун 457-чакырымында жол кырсыктан каза болгон адамдардын өздүгү такталды. Бул тууралуу ӨКМдин басма сөз кызматы билдирди.

Маалыматка караганда, жол кырсыктын кесепетинен 10 адам каза болгон. Алар:

- 1994-жылы туулган Кадыржанов Камалдин, Ош облусунун Өзгөн районунун тургуну;

- 1988-жылы туулган Абдувалиев Фахриддин Каманинович, Өзгөн районунун тургуну;

- 1989-жылы туулган Абдувалиев Хусниддин Жамалинович, Өзгөн районунун тургуну;

- 1994-жылы туулган Навижанов Кадыржан Адылисанович, Өзгөн районунун тургуну;

- 1977-жылы туулган Шабданов Куштарбек Өзбекович, Жалал-Абад облусунун Аксы районунун тургуну;

- 1994 жылы туулган Аширова Барнохан Жатамжановна, Өзгөн районунун Өзгөн айылы тургуну;

- 1989-жылы туулган Разакулов Акмольжан Махмуджанович, Өзгөн шаарынын тургуну;

- 1995-жылы туулган Расулжан кызы Наврузхан, Өзгөн районунун тургуну;

- 1994-жылы туулган Мамаджанов Кадыржан Абдыкалыкович;

- 2016-жылдын 1-июнунда туулган Мамадалиев Абубакр Шафкатович. Ал Расулжон кызы Наврузхондун уулу.

Өзгөн шаардык мэриясынан кабарлашкандай, жол кырсыктан каза болгондордун сөөгүн өз үйлөрүнө алып келүү аракеттери жүрүүдө. Алар эртең, 7-ноябрда жерге берилет.

Өзгөндүк айрым тургундардын айтымында, кырсыкка учурагандар Россияга иштегени бара жатышкан.

Буга чейин ӨКМдин басма сөз кызматы жол кырсыктан улам 8 адам каза болгондугун маалымдаган. Маалыматка караганда, бүгүн түнкү саат 00:05 чамасында Бишкек—Ош унаа жолунун Жалал-Абад облусунун Таш-Көмүр шаарындагы 457-чакырымында «Стэпвагон» үлгүсүндөгү (мамлекеттик номери О 57-98 АG) унаа менен «МАН» үлгүсүндөгү (мамлекеттик номери 01378 РА) газ ташуучу автоунаа бетме-бет кагышкан. Каза болгон адамдарды Таш-Көмүр шаардык өлүк сактоочу жайга алып кетишти. Ооруканага 2 адам оор абалда тез жардам кызматы аркылуу жеткирилген.

Окуя болгон жерге Таш-Көмүр шаардык №2 издөө-куткаруу отрядынын куткаруучулары менен ӨКМдин №57 өрт-куткаруу бөлүмүнүн куткаруучулары келген. Алар каза болгон адамдардын денелерин алып чыгып, ИИМдин кызматкерлерине өткөрүп беришти. ӨКМдин №57 өрт-куткаруу бөлүмүнүн куткаруучулары өрттү өчүрүшкөн, №2 издөө-куткаруу отрядынын куткаруучулары менен тез жардамдын кызматкерлери жабыркагандарды ооруканага жеткиришип, кошумча куткаруучулар «Стэпвагон» унаасын жолдун четине чыгарышкан.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 13681
Комментарии
Для добавления комментария необходимо быть нашим подписчиком
Көп окулду
×