Бөлүмдөр
Жекшемби, 24-июнь
Баракелде

Фото - Т.Жумакадыровдун 33 жаштагы айдоочусу Нурбек Муканов жерге берилди

Turmush -  Бүгүн, 9-октябрда Бишкек шаарынын Көк-Жар конушунда вице-премьер-министр Темир Жумакадыров менен бирге жол кырсыгынан каза болгон Нурбек Мукановду акыркы сапарга узатуу зыйнаты болду. Анын сөөгү Кой-Таш айылындагы көрүстөнгө коюлду.  

33 жаштагы Нурбек Мукановдун артында жубайы жана 1 баласы калды.

Т.Жумакадыров Мамлекеттик бажы кызматында айдоочу болуп эмгектенип, кийин Президенттин иш башкармалыгынын гаражына которулган. Акыркы айда Т.Жумакадыровдун айдоочусу болуп эмгектенип жаткан.

Вице-премьер-министр Темир Жумакадыровду акыркы сапарга узатуу иш-чарасы  бүгүн, 9-октябрда Бишкек шаарында өттү. Акыркы сапарга узатуу зыйнаты Т.Абдумомунов атындагы Кыргыз улуттук драма театрында уюштурулуп, президент А.Атамбаев баштаган мамлекеттик бийликтин өкүлдөрү, жакындары жана шаардыктар катышты.
Т.Жумакадыровдун денеси Ала-Арча көрүстөнүнө коюлду. 38 жашында көз жумган Т.Жумакадыровдун артында 3 кызы калды.
Вице-премьер-министр Т.Жумакадыровдун жардамчысы — 32 жаштагы Нурлан Жамгырчиев кечээ, 8-октябрда Бишкектин Көк-Жар конушунда акыркы сапарга узатылган.
Укук коргоо органдарынан билдиришкендей, 7-октябрда эртең менен саат 7:30 чамасында жол кырсыктан вице-премьер-министр Темир Жумакадыров жана анын жардамчысы Нурлан Жамгырчиев, айдоочусу Нурбек Муканов каза болгон. Аталган окуя Москва районунун Садовое айылындагы Бишкек—Кара-Балта унаа жолунун 36-чакырымында болду.

Вице-премьердин унаасы чиркегичи бар «КамАЗга» урунган. Анын кесепетинен 3 адам окуя болгон жерде каза болуп, жүк ташуучу унаанын айдоочусу менен жардамчысы ооруканага жеткирилген.
Учурда жол кырсык боюнча козголгон кылмыш иш тергелип жатат.
Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 1529
Көп окулду
×