Бөлүмдөр
Дүйшөмбү, 25-сентябрь
68.46    82.09    1.19    KZT 0.2
акыркы жаңылыктар

бардыгы

Баракелде

Видео - Москвага Кыргызстан аркылуу барган жигит 23 жаштагы аялын бычактап өлтүрдү (такталды)

Turmush -  Россиянын Москва шаарындагы Краснодар көчөсүнөн кечээ, 12-сентябрда жаш келиндин бир нече жолу бычакталган денеси табылды.

«Телеканал 360» жарыялаган маалымат боюнча, жергиликтүү милиция кызматкерлери анын өлүмүнө күйөөсүн айыптап жатат.

Алдын ала маалыматтар боюнча, шектүү кызганычтан улам 23 жаштагы аялына кеминде 10 жолу бычак сайган. Ал үй-бүлө Москва шаарына Кыргызстан аркылуу барышкан.

Окуя болгон жердеги видеокамерага түшүп калган тасмага караганда, жубайлар көчөдөн урушкан. Күйөөсү аялын ошол жерден бычактап, андан кийин өзү качып кеткен. Оор жаракаттан улам окуя болгон жерден көз жумган келиндин денесин жолдон өтүп бара жаткандар таап, тиешелүү органдарга маалымат беришкен. Бул факты боюнча адам өлтүрүү беренеси менен кылмыш иш козголуп, тергөө иштери башталганы маалым болду.

Кыргызстандын Тышкы иштер министрлиги бул окуя боюнча тактоо иштерин жүргүзүп, каза болгон келин менен анын күйөөсү Тажикстандын жарандары экенин билдирди. Жубайлар акыркы жолу Москва шаарына Кыргызстан аркылуу учкандыктан алгач алар кыргызстандык деген маалыматтар тараган. 


Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 20037
Комментарии
Обсуждения закрыты
Көп окулду
×
Урматтуу окурман, мекенибиздин аймактагы «турмушунан» кабар алганыңыз үчүн ыраазычылык билдиребиз.
Куш кабарыбыз маалыматтык чаңкооңузду канааттандырса «Нравится» эн белгисин басуу менен сиз үчүн кылган ишибизге дем бериңиз!
Жабуу