Бөлүмдөр
Шаршемби, 13-ноябрь
Жалал-Абад облусуСузак району 23.08.2017 12:18

Сузакта бир мектепте 2 директор иштеп жатат

Turmush -  Сузак районунун Багыш айыл аймагына караштуу Ш.Базарбаев атындагы орто мектебин эки директор башкарат. Бул тууралуу өкмөттүн Жалал-Абад облусундагы өкүлчүлүгүндө жаңы окуу жылына, кыш мезгилине карата даярдыктар талкууланган коллегияда айтылды.

Анда өкүлдүн орун басары Ы.Ызабеков Сузак райондук билим берүү бөлүмүнүн башчысы А.Бечеловго кайрылып, бул маселеге көңүл бөлүүнү өтүндү.

Ы.Ызабеков райондук, шаардык билим берүү башкармалыктары утурумдук оңдоодон өткөн мектептерди кабыл алууда кайдыгерлик мамиле орун алгандыгын, жумушчу топ жакшы иштебегенин жана сапатсыз оңдоолор болгонун айтты.

Ошондой эле, ал Сузак районундагы мектептерде орун алган кемчиликтерди жоюу керектигин белгилеп, эки директор иштеп жаткан Ш.Базарбаев атындагы мектебине көңүл бөлүү керектигин айтты.

Маалым болгондой, Сузак районундагы Ш.Базарбаев мектеби авариялык абалда болгондуктан Ж.Бөкөнбаев атындагы орто мектепке көчүрүлүп, 2 мектеп бир имаратка бириктирилген. Мындан улам эки мектептин директорлору бир имаратта иштөөдө. Жыйында эки мектеп бириктирилген соң, анда бир гана директор болушу керек деген талап айтылды.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×