Бөлүмдөр
Шаршемби, 22-ноябрь
69.73    82.29    1.18    KZT 0.21
Ош

Кореялык дарыгерлер Ош шаарынын тургундарын акысыз медициналык текшерүүдөн өткөрөт (фото)

Turmush -  Бүгүн, 17-июлда Ош шаарындагы №10 үй-бүлөлүк медицина борборуна Кореядан дарыгерлер келишти. Адистер 3 күн бою шаардын жашоочуларынын ден соолугун текшерип, керектүү кеңештерин беришет.

Мэрия маалымдагандай, чет өлкөлүк дарыгерлерди тосуп алуу салтанатына вице-мэр Нурбек Кадыров, шаардагы саламаттыкты сактоонун координатору Абдилатип Шамшиев жана Тышкы иштер министрлигинин өкүлдөрү катышты.

Кыргызстанга гуманитардык миссия менен келген 60ка жакын хирург, терапевт, гинеколог, дерматолог, радиолог, офтальмолог жана башка тармактагы дарыгерлер өздөрүнүн заманбап медициналык жабдуулары менен жергиликтүүлөрдүн ден соолугун текшеришет. Бул медициналык гуманитардык акция дүйнөнүн ар кайсы өлкөлөрүндө 2014-жылдан бери жүргүзүлүп келет.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 1855
Комментарии
Обсуждения закрыты
Көп окулду
×