Бөлүмдөр
Шаршемби, 22-ноябрь
69.73    82.29    1.18    KZT 0.21
Талас

Айыл турмушу: Таластык Б.Абдырахманов чемпион тайгандарды багат (фото)

Turmush -  Талас шаарынын 43 жаштагы тургуну Бекташ Абдрахманов республикалык салбурунда 4 жолу чемпион болгон таза кандуу тайгандарды багат. Аймактык кабарчы аны менен таанышты.

Анын айтымында, ит багууга кичинесинен эле кызыгат.

«Мурунтан эле ит багууга кызыкчумун. Бирок, таза кандуу тайганым жок эле. 1 жылдан бери таза кандуу тайгандарды багам. Учурда үйдө 3 чоң тайган, 18 тайган күчүк, Батыш Сибир породасындагы 2 ит багып жатам. Ак көз аттуу тайганым Биринчи дүйнөлүк көчмөндөр оюндарында таза кандуу тайгандардан ичинен биринчиликти алган. Ошондой эле, республикалык салбурунда 4 жолу биринчиликти жеңген.

Кара-Куш деген тайганым дагы чемпион. Чоң тайгандарды 25 миң сомдон, күчүктөрүн 5 миң сомдон сатып жатам. Аларга эт, тамак бышырып беребиз. Келечекте ата-бабаларыбыз баккан таза кандуу тайганды көбөйткүм келет», - деди ал.

Бекташ Абдрахманов жубайы Калия Эргешова экөө 2 уул, 2 кыздын ата-энеси.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 845
Комментарии
Обсуждения закрыты
Көп окулду
×