Бөлүмдөр
Шаршемби, 23-октябрь
Ош облусуКара-Суу району 29.06.2017 11:51 Жаңыланды: 29.06.2017 13:11

Фото, видео — Кара-суулук Али Ван Дамм 2 жашында шпагатка отуруп, 6 жылдан бери үйүндө машыгууда

Turmush -  Кара-Суу районунун Савай айыл аймагындагы Таширов айылынын 8 жаштагы тургуну Мудаммед Али Хасанохуновду айылдаштары Али Ван Дамм деп аташат. 2 жашында шпагатка отура баштаган жаш талант бельгиялык белгилүү актер, күрөш искусствосунун чебери Жан-Клод Ван Даммдын мушташ ыкмаларын туурап жүрөт.

Али

Ал Россиядагы телеканалдын «Лучше всех» долбооруна катышып, шоумен Максим Галкиндин колунан медаль алууну кыялданат. Бул тууралуу атасы Хаетбек Хасанохунов Turmush басылмасынын кабарчысына айтып берди.

«Али менин экинчи уулум. Кичинекей кезинен тартып спортко жакын. Үйдө Ван Даммдын тасмаларын көрүп чоңойду. Эки жашында шпагатка отурганды үйрөнгөн. Азыр 8 жашта. 6 жылдан бери Ван Даммдын кыймылдарын туурап келет», - деди ал.

Бул үй-бүлө шаардан алыс жашагандыктан Алини спорт мектептерге алып барууга мүмкүнчүлүгү жок.

«Биз карапайым үй-бүлөбүз. Өзүм кыш куюп эмгектенем. Баламды спорт мектептеринде машыктырууга мүмкүнчүлүгүм жок. Үйдөн ага керектүү шарт түзүүгө аракет кылып, зарыл болгон турниктерди орнотуп бергенбиз. Кичүү карындашы дагы агасынын кыймылдарын туурай берет. Айылдагылар уулумду Али Ван Дамм деп таанышат», - деди Х.Хасанохунов.

Мухаммед Али бул жылы Ленин орто мектебинде 4-классты аяктады.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×