Бөлүмдөр
Дүйшөмбү, 21-октябрь
Чүй облусуЫсык-Ата району 22.06.2017 17:00

Айыл турмушу: Ысык-аталык А.Мадиев 10 жылдан бери булгаары менен уйдун терисине сүрөт тартып келет (фото)

Turmush -  Ысык-Ата районунун 30 жаштагы тургуну Азамат Мадиев 10 жылдан бери булгаарыга жана уйдун кургатылган терисине сүрөт тартып келет. Аны менен Turmush басылмасынын кабарчысы таанышты.

«Бала кезден эле сүрөт тартканга абдан кызыкчумун. Атам дагы сүрөтчү. Кагазга көптөгөн сүрөттөрдү тарттым. Кийин ошол кагаздагы сүрөттөрдү булгаарыга же уйдун терисине тартсамбы деп ойлоп, тартып көрдүм. Өзүмө жагып, купулума толду. Ошентип, бул каражаттарга сүрөт тартуу кызыгууну күчөттү. Мындан тышкары азем белектерге сүрөт тартып, капчыктарды жасайм. Жасаган эмгектерим 500 сомдон жогору сатылат. Баасы көлөмүнө жана сапатына жараша бычылат. Кардарларымдын көптүгүнөн кээде жетишпей да калам», - деди ал.

Сүрөтчү үй-бүлөлүү, эки кыздын атасы.

«Келинчегим Асел экөөбүздүн Арууке жана Акмарал аттуу кыздарыбыз бар», - деди ал.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×