Бөлүмдөр
Ишемби, 21-октябрь
68.58    80.93    1.19    KZT 0.2
Нарын

Жол эрежесин сактабаган жөө жүргүнчүлөр 500 сомдук айыпка тартылат, - патрулдук милиция (фото)

Turmush -  Нарында жөө жүргүнчүнүн жолдо жүрүү эрежелери боюнча иш-чара өтүп жатат. Бул тууралуу аймактык кабарчыга Нарын ОИИБдин Патрулдук милиция кызматынын башчысынын орун басары Тилек Оторов билдирди.

Анын айтымында, жыл башынан бери жол кырсыгынан 8 адам жабыркаса, алардын төртөө жөө жүргүнчүлөр.

«Республика аймагында катталган автокырсыктардан жабыркагандардын 60%ы жөө жүргүнчүлөр. Мындан улам Нарында жөө жүргүнчүнүн жолдо жүрүү эрежелери боюнча бир айлык иш-чара өтүп жатат», - деди Т.Оторов.

Ошондой эле, жөө жүргүнчү жолдо жүрүү эрежелерин сактабаса, Административдик жоопкерчилик жөнүндө кодекстин 247-беренесинин 1-бөлүмүнүн негизинде 500 сом айыпка тартыларын кошумчалады.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 3072
Комментарии
Обсуждения закрыты
Көп окулду
×