Бөлүмдөр
Дүйшөмбү, 20-ноябрь
69.75    82.21    1.17    KZT 0.21
Баткен

Видео - Баткенде курулуп жаткан сынч үйлөр 7 баллдык жер титирөөлөргө туруштук берет

Turmush -  Баткенде көп курулуп жаткан сынч үйлөр 7-7,5 баллдык жер титирөөлөргө да туруштук бере алат.

Мындай үйлөрдү 30 жылдан бери куруп келе жаткан уста Аскарбек Дүйшеевдин айтымында, «сынч үйүм - тынч үйүм» деген сөз бар. Сынч үй куруу ата-бабалардан калган. Илгери үй куруу үчүн мык жок болгондуктан мыктын ордуна жыгачтарды аралап, бири-бирине аштап коюшкан. Сынч үйлөр архитектуралык талаптарга толугу менен жооп берет.

«Учурда көпчүлүк үйлөрүн сынчтан салып жатышат. Себеби мындай үйлөрдүн коопсуздугун эл да түшүнүп калды. Сынч үй кыштан же топурактан жасалган үйлөргө салыштырмалуу бекем болот. Мисалы жыгач колдонулбай кыштан жасалган үйлөр жер титирөөгө туруштук бере албайт. Себеби ал үйлөрдүн кармап кала турган ашталган жыгачы жок. Жыгачтан курулган сынч үйлөр жер титиреген убакта да бекем болот, жарака кетпейт. Жыгачтын ашталган жерлери кыймылдайт, бирок бири-биринен чыгып кетпейт. Кооптуулук да жаратпайт», - деди уста.

Баткен облустук архитектура кызматынын инженери Айипбек Абдиназаровдун айтымында, жыгачтан куралган үйлөр жеңил болуп, жер титирөөгө туруштук бере алат.

«1977-1978 жылдары 7-8 баллдык жер титирөө катталып, башка үйлөр бузулса да, сынч үйлөр бузулбастан турган. 5-6 баллдык жер титирөөлөрдө сынч үйлөрдөн жарака да кетпейт. Булар биздин практикада болуп өткөн. Сынч үйлөр оң жактарын гана көрсөтөт», - деди инженер.

ӨКМ кызматкерлери да сынч үйдүн коопсуз экенин белгилешти. Учурда облус аймагында сынч үй кургандар көбөйүп жатат.

 

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 10599
Комментарии
Обсуждения закрыты
Көп окулду
Учурда окулуп жатат
×