Бөлүмдөр
Шейшемби, 22-октябрь
Ысык-Көл облусуЖети-Өгүз району 26.04.2017 13:08 На русском

Айыл турмушу: Жети-Өгүздө 13 жыл чатырда кыштаган Э.Осмонов жардамга муктаж (фото)

Turmush -  Жети-Өгүз районунун Талды-Булак аймагында 13 жылдан бери чатырда жашап келген Эркинбай Осмонов жергиликтүү бийликтен жардам сурайт.

Э.Осмоновдун айтымында, 13 жыл мурун суунун деңгээли көтөрүлүп, анын үйүн суу алып кеткен. Андан бери үй курууга аракет кылып келгени менен аягына чыгара албай келет.

«2004-жылы облустук бийлик тарабынан убактылуу деп 10 орундуу чатыр берилген. Ошол чатырда 13-кышты кыштадым. Бул жерде жашап жүрүп, инфаркт болдум. 2-топтогу майыптыкты алдым. Оорукананын кардиология бөлүмүндө 3 айда бир жолу дарыланып турам. Жардам берүү өтүнүчү менен 13 жылдан бери барбаган жерим, какпаган эшигим калган жок», - деди ал.

Э.Осмонов белгилегендей, облустук бийлик берген чатырда жашоо мүмкүн болбой калганда мончодо баш калкалаганга туура келген. Учурда ал жерде аялы экөө жашайт. Алардын эки баласы бар. Кызы турмушка чыккан, ал эми уулу студент.

Айыл тургуну жергиликтүү бийликке бир нече жолу кайрылып, жардам сурагандыгын кошумчалады. Ал эми район акими К.Жүдеев Э.Осмоновго учурунда тийиштүү жардамдар берилгенин айтты.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×