Бөлүмдөр
Ишемби, 23-сентябрь
68.46    82.09    1.19    KZT 0.2
акыркы жаңылыктар

бардыгы

Чүй

Сокулуктагы окуучу мектеп директору кызматын аркалады (фото)

Turmush -  Сокулук районундагы Давха-Сокулук мектебинде «Дублерлор» күнү уюштурулуп, 11-класстын окуучусу Заур Акимов мектептин директорунун милдетин аткарды. Бул тууралуу аймактык кабарчыга аталган мектептин директору Айнура Карыпова билдирди.

Анын айтымында, иш-чараны окуучулардын парламенти жана 11-класстын окуучулары уюштурушту.

«Дублерлор» күнүн белгилөөнүн максаты — окуучулардын өз алдынча болуу сапатын жогорулатуу, мугалимдин түйшүктүү кесибин түшүндүрүү. Даярдык учурунда мугалимдер окуучуларга сабактын жүрүшүн түшүндүрүп, милдеттерди бөлүштүрүп беришти. Иш-чара жогорку деңгээлде өттү. Ар бир окуучу өз милдетин жакшы аткара алды. Аталган иш-чара мектепте 3 жылдан бери өткөрүлүп келе жатат.

Дублер катары 8-9-11-класстын окуучулары тандалды. Сабактар кыскартылып өткөрүлүп, 11-класстын окуучусу Заур Акимов мектеп директорунун кызматын аткарды. Сабактарды берүүдө окуучунун каалоосу да эске алынды. Администрациянын өкүлдөрү сабактардын өтүлүшүн жана жалпы мектептин тартибин көзөмөлдөп турушту. Ошону менен катар эле 11-класстын окуучусу, окуучулар парламентинин жетекчиси Маматкадыров Акбардын жетекчилиги менен концерттик программа уюштурулду. «Дублерлор» күнүнүн белгилениши жалпы линейкада жыйынтыкталып, уюштуруучуларга ардак баракчалар тапшырылды», - деди ал.

Аталган мектепте 280 окуучу окуп, 39 мугалим эмгектенип жатат.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 1948
Комментарии
Обсуждения закрыты
Көп окулду
×
Урматтуу окурман, мекенибиздин аймактагы «турмушунан» кабар алганыңыз үчүн ыраазычылык билдиребиз.
Куш кабарыбыз маалыматтык чаңкооңузду канааттандырса «Нравится» эн белгисин басуу менен сиз үчүн кылган ишибизге дем бериңиз!
Жабуу