Бөлүмдөр
Ишемби, 18-ноябрь
69.75    82.21    1.17    KZT 0.21
Талас

Кара-Буурада үйүр жылкы уурдагандар кармалды

Turmush -  Кара-Буурада ички иштер органдарынын кызматкерлери үйүрү менен уурдалган жылкыларды ээсине кайтарып беришти. Бүгүн, 18-мартта Талас ОИИБдин басма сөз кызматы билдиргендей, милиция кызматкерлерине кайрылган жергиликтүү тургун 14-мартта белгисиз адамдар 13 баш жылкысын уурдап кеткенин билдирген. Жылкылар жоголгонго чейин сарайдан алыс эмес жерде болгон.

Бул факты боюнча ыкчам иликтөө иш-чаралары жүргүзүлүп, Талас шаарынын тургундары: 40 жаштагы Н.К. жана 38 жаштагы К.Г. шектүү катары кармалды. Кара-Буура РИИБ КРнын Кылыш-жаза кодексиндеги 165-берене (мал уурдоо) менен кылмыш ишин козгоп, шектүүлөр камакка алынды.

Бир күндө дайынсыз жоголгон 13 баш жылкы ээсине кайтарылып, учурда тергөө иштери улантылып жатат.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 1000
Комментарии
Обсуждения закрыты
Көп окулду
×