При поддержке MegaCom

Бөлүмдөр
Жекшемби, 26-март

Базар-Коргондогу митинг: Ө.Текебаевдин тарапташтары күнү-түнү боз үйдө турушат (фото, видео)

Turmush -  Бүгүн, 16-мартта Базар-Коргон районунун Акман айылында Жогорку Кеңештин депутаты Өмүрбек Текебаевдин тарапташтары мөөнөтсүз митингди улантышууда.

Turmush басылмасынын кабарчысы маалымдагандай, Бишкек—Ош унаа жолунун Акман айылындагы тилкесинде эки боз үй тигилген. Депутаттын тарапташтары күнү-түнү боз үйдө болуп, Ө.Текебаевди камактан чыгарууну талап кылышууда. Учурда чогулган адамдардын саны 10дон ашты.

 

Белгилей кетсек, 13-мартта Ноокен районунун борборунда Ө.Текебаевди коргоо штабы ачылган.

Депутаттын тарапташтары майрам күндөрү дагы, тактап айтканда 8-март – Аялдардын эл аралык күнүндө мөөнөтсүз митингге чыгып, эл өкүлүн камактан бошотууну талап кылышкан.

Эртеси, 9-мартта дагы Ө.Текебаевдин тарапташтары Акман айылынан Жалал-Абад шаарын көздөй жөө жүрүш жасашкан. Алар «Текебаевге боштондук!» деген ураан менен бир чакырымдай жерге жөө басып, кайра артка кайтышкан.

Ө.Текебаев 26-февралга караган түнү Стамбулдан учуп келгенде «Манас» аэропортунан кармалып, 48 саатка камалган. 27-февралда кечинде Биринчи май райондук соту Ө.Текебаевди УКМКнын тергөө абагына 2 айга – 25-апрелге чейин камакта калтыруу чечимин кабыл алды. Санкцияны сот Адылбек Субанкулов жарыялаган.

Жактоочулардын арызынын негизинде бул ишти 9-мартта Бишкек шаардык соту карап, райондук соттун чечимин күчүндө калтырган. УКМКнын басма сөз кызматынын билдирүүсү боюнча, депутатка жактоочунун катышуусунда КРнын Кылмыш-жаза кодексиндеги 303-берененин 1-бөлүмү (коррупция) менен айып тагылды.

25-февралда Башкы прокуратура ЖК депутаты Өмүрбек Текебаевге жана башка кызмат адамдарына карата россиялык бизнесмен Леонид Маевскийдин арызынын негизинде КРнын Кылмыш-жаза кодексиндеги 303-берененин 1-бөлүмү (коррупция) жана 166-берененин 4-бөлүмүнүн 2-3-пункттары (алдамчылык) менен кылмыш иш козгогон.

Тема боюнча:

27.02.2017Базар-Коргондо Ө.Текебаевдин тарапташтары кайрадан чогулушту (фото, толукталды)
27.02.2017Фото - Ө.Текебаевдин тарапташтары Бишкектеги борбордук аянтка чогулуп жатат
27.02.2017Базар-Коргондо Ө.Текебаевдин тарапташтары Ош—Бишкек жолун тосууга аракет кылууда (фото, видео)
27.02.2017Фото - Милиционерлер Ө.Текебаевдин тарапташтарына Бишкек—Ош унаа жолун тосууга каршы турууда
27.02.2017Фото - Ө.Текебаевдин кичи мекенинде абал кандай?
27.02.2017Ө.Текебаевдин Бишкек–Ош жолун тосууга аракет кылган тарапташтары тарап кетишти
28.02.2017Ө.Текебаевдин тарапташтары Ош—Бишкек жолуна боз үй орнотууга аракет кылышууда (фото, видео)
01.03.2017Фото - Ө.Текебаевдин кичи мекенинде абал кандай?
03.03.2017Ө.Текебаевдин кичи мекенинде абал туруктуу (фото)
05.03.2017Фото - Ө.Текебаевдин Бишкек—Ош жолунда чогулган жердештери кечинде тарап кетишти
06.03.2017Базар-коргондук энелер Ө.Текебаевди колдоп, Ош—Бишкек жолуна чогулушту (фото)
09.03.2017Базар-Коргондо Ө.Текебаевдин тарапташтары майрам күнү да митингге чыгышты (фото)
09.03.2017Базар-Коргондогу митинг: Ө.Текебаевдин тарапташтары жөө жүрүшкө чыгышты (фото, видео, толукталды)
09.03.2017Бишкекте Ө.Текебаевдин тарапташтары митингге чыгышты (фото)
09.03.2017Бишкек шаардык соту дагы Ө.Текебаевди 2 айга камакта калтырды
09.03.2017Бишкекте Ө.Текебаевдин митингге чыккан тарапташтары тарап кетишти
13.03.2017Фото - Ө.Текебаевдин кичи мекенинде абал кандай?
14.03.2017Биринчи май райсоту Ө.Текебаевди мэр А.Ибраимовго 1 млн сом берүүгө милдеттендирди
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 1101
Комментарии
Обсуждения закрыты
Нет аватара
mir-2017
13:21, 16 марта 2017
Байкуштар, ушуп-тонуп, не кудайдын азабын жеп отурасынар...
Көп окулду
×