Бөлүмдөр
Ишемби, 16-декабрь
69.75    82.48    1.19    KZT 0.21
Баткен

Элдик уламыш: Баткендеги Гарым-Баба мазарынын аталышы фарси тилинен коюлган (фото)

Turmush -  Баткендеги Гарым-Баба мазары фарси тилинен которгондо ысык (гарм-ысык) дегенди билдирет.

Тарых илимдеринин кандидаты, доцент Абдинаби Кадыровдун айтымында, мазар Орто-Боз аймагынын түндүк-батышында Түркстан тоо кыркаларынын арасында жайгашкан. Баткен—Исфана жолунан түндүккө карай 10 км, Баткен районунун Ак-Татыр кыштагынан 20 км аралыкта жайгашкан.

1

Бул аймак күңгөй тарапта жайгашып, жайында ысык болот. Кышында жааган кар тез ээрип кеткендиктен ушундай аталышы мүмкүн. Мазарда жантайып өскөн талдар жана жылжып аккан кичинекей булак бар. Жантайып өскөн талдар бир жагынан экзотикалык сулуулукту жаратса, экинчиден сойлоп бара жаткан ажыдаардай сүрдүү болуп көрүнөт. Келген зыяратчылар булактын суусу кулак, көз, тери ооруларын дарылайт деп ишенишет.

Талдардын айланасындагы мечиттин таш дубалдарынын калдыктары гана сакталып калган. Анткени ХХ кылымга чейин бул аймакка кыштап кетүүчү токмок уруусу күңгөйдү мекендеп турушкан. Алардын мазарлары бул жайдан бир аз обочо батыш тарапка жайгашкан. Алар отурукташып кеткенден кийин бул мазар пайдаланылбай калган.

Азыркы учурда жергиликтүүлөр малын дайыма ушул аймакта кыштатышат. Анткени кар аз жаайт. Бул аймакта көмүр кенинин кору көп. Ошондуктан күз-кыш мезгилдеринде көмүр казуучулар да көп болот.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 2700
Комментарии
Обсуждения закрыты
Көп окулду
Элдик уламыштар
×