Бөлүмдөр
Ишемби, 19-октябрь
Талас облусуТалас району 29.06.2017 10:22 На русском

Айыл турмушу: Таластык уста Р.Бектемиров 50 миң сомдук темир боз үйлөрдү жасап жатат (фото)

Turmush -  Талас районундагы Кызыл-Туу айылынын 43 жаштагы тургуну Рысбек Бектемиров темирден боз үй жасоо менен алектенет. Аймактык кабарчы уста менен таанышты.

Анын айтымында, бир топ жылдан бери устачылык менен алектенет. Айылда пескоблок чыгаруучу цех, дөңгөлөктөрдү желимдөөчү жай, унаанын моторунун майын саткан дүкөн, темир боз үй жасаган чакан цех жана балык чарбасын ачкан.

«Менин кесибим агроном. Айылга келип, мал чарбасы жана дыйканчылык менен алектенип жүрүп, кызыгуунун натыйжасында 2006-жылы пескоблок чыгарып иштетип жүрдүм. Андан кийин вулканизация иштеттим. Эми боз үй жасоого өттүм», - деди уста.

Темир боз үйдү 7 күндө жасап бүтөт. Бир комплект боз үй 50 миң сом турат.

«Жалпысынан 40тан ашык боз үй жасадым. Керектүү каражаттарды Талас шаарынан эле алдырам. Жыгач боз үйгө буйрутма келсе аны да жасайм», - деди ал.

Уста 4 баланын атасы.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×