Бөлүмдөр
Шаршемби, 22-февраль

При поддержке MegaCom

Фото - Москвадагы өрттөн каза болгон Жаңылмырзаны 9 бир тууганы жана 71 жаштагы ата-энеси күтүп жаткан

Turmush -  Москвадагы ири өрттөн кайтыш болгон 21 жаштагы Жаңылмырза 10 бир туугандын тогузунчусу эле. Бул тууралуу Turmush басылмасынын кабарчысына Коргонбай кызы Жаңылмырзанын бир тууган агасы Кылычбек Топчубаев билдирди.

Жаңылмырза

IMG-20160828-WA0003

«Карындашым Коргонбай кызы Жаңылмырза 1995-жылы 11-февралда Ош облусуна караштуу Кара-Суу районунун Кара-Дөбө айылында төрөлгөн. Оштогу жогорку окуу жайдан дизайнер кесибин алган. Үйдө он бир туугандын тогузунчусу болчу. Мамасалы Тешебаев атындагы орто мектебин бүтүргөн.

3 эжем, менден кийин 5 карындашым жана бир иним бар. Атам 71 жашта, апам 64 жашта. Учурда сай-сөөгүбүз сыздап, айтаарга сөз таппай турабыз. Карындашым жылдыздуу, ар дайым ачык көңүл, жайдары жүргөн, ичинде кири жок кыз эле...», - дейт мукактанган Кылычбек.

Жаңылмырза Россияга ушул жылдын 6-июнунда кеткен. Байкесинин айтымында, октябрда кайтып келүү үчүн билет алган. Бирок, январь айына чейин калууну суранып жаткан.

Ата-энеси

IMG-20160828-WA0011

Ата-энеси жана байкеси

IMG-20160828-WA0005

Алтуфьевское шоссесинде жайгашкан имараттан кечээ, 27-августта москва убактысы боюнча саат 07:50дө чыккан өрттүн кесепетинен алгач 16 адам каза болгону маалымдалган. Кийинчерээк ооруканага жеткирилген 4 жабырлануучунун бири каза болгону маалым болду. Айрым маалыматтар боюнча, өрт чыккан имараттан 12 адам куткарылды. Каза болгондордун көпчүлүгү жаштар. Алардын арасында кош бойлуу келин бар экени айтылууда. Ооруканадагы 3 адамдын абалы оор.

Кыргызстандын Тышкы иштер министрлиги 4 кабаттуу имараттан чыккан өрт учурунда каза болгон 14 жаран кыргызстандык экендигин тактады.

Адам өмүрү менен коштолгон ири өрт боюнча кылмыш иши козголуп, ыкчам тергөө иштери жүрүп жатат.

Россиянын Өзгөчө кырдаалдар министрлигинин Москва шаарындагы башкы башкармалыгынын жетекчиси Илья Денисов россиялык журналисттерге өрткө шамчырактын (светильник) бузулушу себеп болгонун билдирген.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 15353
Комментарии
Обсуждения закрыты
Нет аватара
Zhoodarbek
13:07, 01 сентября 2016
Кандай молтурогон сулуу кыздар, жанын кейит. Жамандыктан алыс бололу кыргыз эли. Акыркы кундору кайра кайра олум болуп олко кайгыга баткан сыяктуу.
Нет аватара
KG_KZ
09:07, 29 августа 2016
Ата-энесине, туугандарына Кудайым куч кубат бере корсун! Мындай жоготууну жашап отуш, ар бир уй-булоо учун кыйын нерсе. Карындашыбыздын жаткан жери жайлуу, топурагы торко болсун!
Нет аватара
rio2016
02:15, 29 августа 2016
Алтындай кыз экен, жаткан жери жайлуу болсун. Карындашыбыз журмок да бир уйдун келини болуп жаркылдап жарык чачып :(
Нет аватара
nazar
22:13, 28 августа 2016
Топурагы торко,орду бейиш болсун кызыбыздын.Туугандарына узун омур,ата-энесине сабыр берсин,Аллахым!
Нет аватара
nazar
22:10, 28 августа 2016
Нет аватара
SSSS123456
18:28, 28 августа 2016
Оооооооо Кудай......
Көп окулду
Эң кызыктуу
×