Бөлүмдөр
Шейшемби, 12-ноябрь
Жалал-Абад облусуАксы району 15.08.2016 13:00

Аксынын Кашка-Суу айыл аймагынын аксакалдары башкы прокурор И.Жолдубаевага кайрылуу жолдошту

Turmush -  Аксы районунун Кашка-Суу айыл аймагынын аксакалдары райондор аралык сот залында Кашка-Суу айылдык кеңешинин төрагасы Давлетов Аскарбекти жана Кашка-Суу айыл өкмөтүнүн жооптуу катчысын, нечен жылдан бери Падыша-Ата күмбөзү боюнча эл менен соттошуп келе жаткан Э.Бегимкуловдун баласы спортчулар менен келип, акарат сөз айтып сабап кетишкенине нааразычылык билдиришти. Алар башкы прокурор Индира Жолдубаевага кайрылуу жолдошту.

Кайрылууда, Кашка-Суу айыл өкмөтүнүн аксакалдары жана эли 7 жылдан бери А.Акаевдин бийлигинин тушунда эң көрүнүктүү чиновниктердин бири болгон Э.Бегимкулов менен соттошуп келе жатышканын жазышкан.

Алардын айтуусунда, Э.Бегимкулов Падыша-Ата мамлекеттик коругунун зыярат кылуучу жерин мыйзамсыз менчиктештирип, эс алуучу жай салып алган. Бул кадамга жергиликтүүлөр нааразы болуп келишет.

«7 жылдын ичинде соттошпогон адамы, мамлекеттик мекемеси калган жок. Жалал-Абад облусунун соттору, райондор аралык соттору Эркин Ыманкулович тарапка чечип келет. Ал эми Жогорку сот эл тарапка чечим чыгарып берген. Арадан 7 жыл өттү. Эми биздин балдарыбызды жана жергиликтүү жетекчилерибизди сотко берип жатышат.

Э.Бегимкуловдун баласы Бегимкулов Мурат өздөрү баш болуп 2016-жылдын 12-июль күнү саат 17:30дар чамасында Жалал-Абад шаарында райондор аралык сот залында Кашка-Суу айылдык кеңешинин төрагасы Давлетов Аскар жана Кашка-Суу айыл өкмөтүнүн жооптуу катчысын спортчу балдар менен келип, акарат сөздөр менен сөгүп, сабап кеткен. Биз мыйзамдуу өлкөдө жашап жатабызбы же жокпу? Айыл жаштарын биз араң басып турабыз. Биз өз уулдарыбыз менен мыйзамдуу дагы же Бегимкулов Эркиндин өзүнө жараша жообун бере алабыз», - деп билдиришкен.

Ошондой эле, аксакалдар Башкы прокурордон соттошууларга чекит коюуну, жогорудагы кызматкерлерди уруп-соккондугу үчүн мыйзам алдында жооп берүүсүн жана Жалал-Абад райондор аралык сотунун 6 жылдан берки чечимдерин текшерүүнү өтүнүшкөн.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×