Turmush — Ноокен районунун Ноокен айылындагы жубайлар Мукамбет Капашов менен Адина Капашова 5 жолу эгиз балалуу болушкан. Turmush басылмасынын аймактык кабарчысы алардын үй-бүлөсү менен таанышып кайтты.
Азыр алар балдары, келиндери жана неберелери менен чогуу бир үйдө турушат. Адина Капашова 5 жолу эгиз төрөгөн. Азыр 6 уул, 1 кызы бар. 3 баласы мурда чарчап калган. 6 уул жана 1 кызынан 16 небере көрүштү. Учурда 4 баласы Россияда иштейт. А.Капашова ардактуу эс алууга чыккан баатыр эне.
Уул-келиндерине жана кызына үй-бүлө күтүү, баланы чоңойтуу, тарбиялоо жана чоң турмушка даярдоо боюнча акыл-насааттарын берип, аларды турмушка үйрөтүп турат. Адина Капашова өзү да көп бала-чакалуу үйдө чоңойгон. Өз апасы да кезегинде «Баатыр эне» наамын алган.
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.