Бөлүмдөр
Ишемби, 19-октябрь
Ош облусу, Ош 04.08.2015 18:31

Айыл турмушу: Колдо жасаган сувенирлерин сатуу менен киреше таап жаткан А.Осмонов бул ишти үйрөнүүгө 5 жыл сарптады (фото)

Turmush -  Ош шаарынын тургуну Акыл Осмонов кыргыз оймо-чиймелери түшүрүлгөн сувенирлерди кол менен жасап сатууда. Ал сувенирлерди жасаганды үйрөнүү үчүн 5 жыл убактысын сарптагандыгын аймактык кабарчы менен болгон маегинде билдирди.

«Алгач кайыштан жөнөкөй гана бычак салуучу кындарды, ушул сыяктуу жөнөкөй буюмдарды жасап жүрдүм. Кийинчерээк кызыгуум күчөп, колго тагуучу браслеттерди жасап баштадым. Албетте, башында жасоо бир топ кыйын болду. Бир колго тагуучу браслетти бир айда араң жасап бүттүм. Ал мезгилде менде атайын шаймандарым жок болчу. Кийинчерээк колум көнүп, бир топ тажрыйбалуу болуп калганда браслеттердин түрүн жасаганга аракет кыла баштадым.

Азыр браслеттин  20дан ашуун түрүн жасайм. Эч кимден үйрөнгөн эмесмин. Беш жыл аралыгында кайыштан ар түрдүү сувенирлерди жасап калдым. Бир гана кайыштан жасалган сувенирлер менен гана токтобостон кийинчерээк жыгачтан түрдүү нерселерди жасаганга кызыгып баштадым. Азыр жыгачтан сөйкө, кичинекей боз үйлөрдү, муздаткычка жабыштыруучу сувенирлерди жасайм», - деди А.Осмонов.

Анын жубайы дагы кийизден ар кандай буюмдарды жасайт. Биздин үй-бүлө жасаган сувенирлер аркылуу киреше алабыз, деп кошумчалады А.Осмонов.

«Сувенирлер чыгымына жараша бааланат. Учурда кардарлардын көпчүлүгү жаштар жана туристтер. Жай мезгилинде соодабыз жакшы жүрүп жатат», - деди А.Осмонов.

Сувенирлердин баасы 50 сомдон 600 сомго чейин сатылат.
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×