Бөлүмдөр
Ишемби, 19-октябрь
Ысык-Көл облусуАк-Суу району 04.08.2015 17:04

Айыл турмушу: Ак-Суудагы психо-неврологиялык аялдар жатак үйүндө жашаган М.Камбарова сүрөт тартуу менен алек (фото)

Turmush -  Ысык-Көлдүн Ак-Суу районундагы аялдардын психо-неврологиялык жатак үйүнө жаш кезинде келген Мирлана Камбарованын сүрөт бөлмөсү бар, деп билдирет Turmush басылмасынын аймактык кабарчысы.

22 жылдан бери мында жашаган Мирлана Россиядагы Тамбов шаарындагы окуу жайда сүрөт искусствосу боюнча билим алып, окуусун аяктабай калган. Кийин психикалык ооруга чалдыккандыктан аны бир туугандары Ак-Суудагы аялдардын психо-неврологиялык жатак үйүнө алып келген.

Мирлананын сүрөттөрүнүнүн көбү – портреттер. Өлкө башчысы Алмазбек Атамбаевдин, социалдык өнүгүү министри Кудайберген Базарбаевдин портреттерин бир карап эле таанууга болот. «Бул сүрөттөрдү көчүрүп тарткам. Мен Тамбовдо окуп жүргөндө портрет тартканды үйрөнгөм. Ошон үчүн көбүнчө портрет тартам», - дейт ал. Сүрөттөрдүн арасында жаштыктын шооласын элестеткен сары, ачык жашыл түстөр көп колдонулган топ гүлдүн сүрөтү да бар. «Бул дагы менин эмгегим. Аны жаш курагымда тарткам. Кийин үстүнөн басмалап, жаңыртып койдум», - дейт сүрөтчү.

Аталган жатак үйдө республикабыздын ар кайсы аймактарынан келген 220 бейтап мамлекеттин толук камкордугуна алынып, аларды тейлөөдө 90дон ашык адам эмгектенет.
Бул жерде 30 жылдан бери иштеген Бейшекан Абдраманова: «Бул жерде баса албагандар, «байлатма» деп аталган эң оор оорулуулар жашайт. Бейтаптардын арасында экиден диплому бар аялдар да бар», - деди.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×