Бөлүмдөр
Шаршемби, 16-октябрь
Талас облусуТалас району 29.07.2015 10:58

Айыл турмушу: Талас районунда 70 жаштан ашкан бир тууган аксакалдар кулпунай өстүрүп, 1 чакасын 400 сомдон сатышат (фото)

Turmush -  Талас районунун Көпүрө-Базар айылынын 70 жаштан ашкан тургундары Чолпонкул жана Чолпонбай Станбековдордун бири багбанчылык кылса, экинчиси дыйканчылык менен алектенет, деп билдирет Turmush басылмасынын кабарчысы.

Бир тууган аксакалдардын айтымдарында, Көпүрө-Базар айылы тоолуу аймак болгондуктан көп учурда мында жашылча-жемиштер бышпайт, айылдын эли көп жылдык чөп, арпа, буудай жана картошка эгип келишкен.

«Союз учурунда жалкоолук менен эле мал багып, дыйканчылыкты колго албаптырбыз, көрсө дыйканчылык деле кылса болот экен, айылдын аба-ырайы буга тоскоол болгон жок», - дейт Чолпонбай Станбеков.

Ал өзүнүн чарбагында алма, өрүк, кара өрүк жана алча өстүрүү менен алектенет.

Мындан тышкары, бир туугандар кулпунай да өстүрүшөт.

«Кулпунайды жаз айында олтургузуп, учурда экинчи түшүмүн күтүп жатабыз. Кулпунайды эки күндө бир жолу 4 чакадан терип, бир чакасын 400 сомдон сатабыз», - деп билдиришти алар.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×