Бөлүмдөр
Шейшемби, 20-август
Талас облусу 14.07.2015 18:58

Айыл турмушу: Кара-Буурада кыздын себин даярдаган Т.Сариеванын иши сезондо жакшы жүрүшкөнү менен кирешесинин көбү ижара акысына жумшалат (фото)

Turmush -  Кара-Буура районунун борборунда тигүү цехин иштетип, үй-бүлөлүк капчыгын толуктаган айым Талимкан Сариева кыздын себин даярдап, кол алдында бир нече кыз-келиндерди бул өнөргө үйрөтүп келет. Бул тууралуу Turmush басылмасынын кабарчысы билдирет.

Т.Сариеванын айтымында, элетте жумуш жокко эссе.

«Бирок үй-бүлөнү, бала-бакыраны багыш үчүн, аларды татыктуу тарбиялаш үчүн алгач айыл ичинде бул өңдүү чакан тигүү цехин негиздеп, кийин район райондун борборуна көчүп келип, элге кызмат көрсөтүп жатабыз. Мында көбүнчө кыздын себине керектелуучу жууркан, төшөктөр, жаздыкчалар, кыргыздын улуттук калоритинде тигилген кийимдер, бешик, ат жабдуулары даярдалат», - дейт чебер.

Тигүү цехине 5 кыз-келин жардамга келишет. Талимкан айымдын айтымында, мында иш сезон менен жүрөт.

«Кыздын себине буйрутмалар күз айларында той-аштар башталган маалда өтө көп түшүп, ишибиз жакшы жүрүшөт. Ал эми башка маалда кийимдерди реставрациялап, айрым жеңил-желпи кийим-кечектерди тигип, базарга сатабыз», - дейт ал.

«Диана» тигуу цехи чакан болгонуна карабастан анда иштегендердин аракети менен жакшы ийгиликтерге жетишкен. Алар имаратты ижарага алып иштетишкендиктен, кирешесинин көпчүлүк бөлүгү ижара акысына жумшалат. Бирок ага карабастан ишин токтотпой, алдыга умтулган мээнеткеч айымдар эмгектенип келе жатат.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×