Бөлүмдөр
Шаршемби, 21-август
Ысык-Көл облусу, Балыкчы 08.07.2015 13:34

Айыл турмушу: Ысык-Көлдө ууз айым окуучуларына атактуулардын портреттерин кийизден жасоону үйрөтүп, алардын эл үчүн жасаган эмгегин айтып берет (фоторепортаж)

Turmush -  Ысык-Көл районунун Жаркынбаев айылынын тургуну Акжол Сатыбаева кол өнөрчүлүктүн жаңы түрү менен алектене баштады, деп билдирет Turmush басылмасынын кабарчысы.

А.Сатыбаева белгилуу инсандардын портреттерин кийиз менен жасайт. Кыргыз элинин сыймыгы болгон Жусуп Абдахманов, Таттыбүбү Турсунбаева, Чыңгыз Айтматовдун ууз айымдын колунан жаралган портреттери айылдык маданият үйүнө белекке берилген.

Акжол Сатыбаева айылдагы орто мектепте эмгектенип, окуучуларга кол эмгек сабагынынан билим берип, өзгөчө кийизден сүрөттөрдү жасаганга басым кылаарын айтат. «Окуучулар менен бирге белгилүү инсандардын портреттерин жасап жатканда алардын басып өткөн жолун, эл үчүн жасаган эмгегин айтып турам. Өз колдору менен жасап да, угуп да турган балдарга бул таасирдуу болот экен», - дейт Акжол Сатыбаева.

Каникул учурунда кол эмгек мугалими түркүн оюнчуктарды, фетрден гүлдөрдүн түрлөрүн жасоону өздөштүрүүдө. Ал окуу жылы башталганда мунун баарын окуучуларга үйрөтөрүн айтат.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×